Bod protiv Bresta je kao pobjeda za Budućnost poslije teškog perioda koji je sada iza igračica i stručnog štaba, kazao je trener Dragan Adžić nakon remija protiv francuskog tima (22:22) u četvrtom kolu Lige šampiona.
- Veoma sam srećan jer je iza nas težak period. Imali smo i dobru prognozu, a stručan rad sa igračicama u najtežem periodu za naš klub, donio nam je veliki bod koji je satisfakcija za igračice. Brest je vrhunska ekipa protiv koje nijesmo dobro prolazili u prethodnim sezonama. Okrećemo se utakmici protiv Borusije narednog vikenda, iskreno već i prije duela protiv Bresta, razmišljao sam o gostovanju u Njemačkoj. U stanju u kojem se nalazimo, nama je ta utakmica značajnija od ove, ako realno gledamo situaciju - kazao je Adžić.